Uncategorized

Taloministri r. Sejnur Veshall, sine kotor e diskutipaska mesalinako vash o edukipaske politike

  • 18/06/2021
  • By Romano Avazo
Share

Ano Kosovako nacionaluno muzeo adikerdilo yekh diskutipe phando edukipaske politikencar.

Akava organizipe realizisalo kotar o Festivali Inside Out & Outside In, kote lele kotor: Ministra e Edukipaski, Skenciaki, Teknologiaki thay Inovaciaki, ry. Arberie Nagavci, Prishtinake Universitetesko Rektori, Prof. Dr. Naser Sahiti, Filozofiake Falultetesko Dekani, r. Dashamir Berxuli, taloministri kotar e MKRS, r. Sejnur Veshall.

Jikay ani virtualuni qhand ani akya mesalin lele kotor vi e Dr. Mary Drosopoulos thay Prof. Dr. Paul Cooke kotar Changing the Story.

Ani mesalin diskutisalo vash o laqharipe e edukipeske politikengo, viayekha e inluqipe e civilyune organizacienge praktikengo kola kerna buti e ternencar thay e naformalune edukipaske mahatnipa.

R. Veshall mothavgya o prioritetya kola phangyona e Kulturaka, Ternenga thay Sporteska Ministria, thay kay phangyona e edukipeske sah-astaripa  bazirimo ano kulturake, kustikipaska kulturake thay arteske moldipyencar. 

Mashkar lende khetano butikeripe thay koordinipe e MASHT-eya ka angazhingyon kay o kustikipaski kultura te qhiven ano funduno thay mashkarutno skolako planprogrami. Vastipe e ververune kreativune naformalune edukipesko metodyengo pederal e kultura thay e kustikipeski kultura.