Sundaleski banka thay Evropaki banka vash vazdipe thay jamaipe naka phikoinel vazdipe e Termocentralako”Nevo Kosovo”,vash koleske Kosovako Raipe dengya hrami pe lil lekanipe e amerikaka kompaniya “ContourGlobal”,ano kobaripe kota 1,3miliyarde dolarya. Phiravno e Sundalaka bankako Jim Jong Kim vakergya kay sito kontra vazdipe e termocentralako,koya shay sine vastinla angar(qymyri) vash elektrikuni energiya. “Amenda amare biology mangle te ja e opcia kota po tikno harjipe thay kay energiya te ovel talo kobaripe e angarako”,vakergya Kim. Ayeka respondipe resla kota BERZh, kova vakergya kay na mangla te financirinel termocentrala koya phagela finansiyaki politika vash energiya. “ContourGlobal”, sheruno investitori kolea kosovako raipe dengya hrami pe lil vash ledeipe e vazdipasko vash termocentrala “Nevo Kosovo” 20 decembro nakle bersheste,reagingya palo agorutno decisipe e Sundalaka bankako.

Direktori akala Kompaniako,Yozef Brant vakergya kay decisipe e sundalaka bankako na sito but vasno vash suksesuno vazdipe TE”Nevo Kosovo”. Pe aver rig,ministri vash ekonomikuno jamaipe Valdrin Luka vakergya kay Koosvo na sila kapaciteti te yaverinel elektrikuni energia alternativuni naturaluna haniga, vakeripa kay ano stabilipe e struyako isilen pe dispozicia angar, numay vakeripa kay moderna tehnologia na ka diklol ani bishuzhi phud. Numay, civilyuno amalipe ani Kosova diklarla kay sito but vasno kay Sundaleski banka thay BERZH-angya decisipe tena phikoinel vazdipe e termocentralako “Nevo Kosovo”.Diana Berisha kota Konzorciyum civilyuno amalipe vash stabilyuno jamaipe (KOSID) dikla kay decisiya akala duy vasne finasiyune instituciake,isitoy but pozitivuni vash evropako avutnipe vash Kosovake dizune.

Sheruno investitori “CountrolGlobal”thay Kosovako raipe aktualuno shay te pashoven korkore pe finasiyuno phikodeipe kota amerikaki korporacia vash tugyne privatyune investipya,koya ka adikerel kedipe e Bordesko pe chon marto avutno bersh,kote ka anel agorutni decisia shay ka finasirinel vazdipe e termocentralako “Novo Koosvo”. Ministri Valdrin Luka vakerla kay Kompania ““ContourGlobal” isila kapitali kota 450 milionya dolara, numay aver kotor rodela te pasharel kompania, kola isiton ano proceso e pasharipasko,kota kompanie e eksportesko kola isilen funkcionipe ano olengo than. “Te sine kay vijaime avna kota Koreya yase Yapani thay Kina, odoya ver themutne banke kota olengo than shay te financirinen yek kotor e eksportyengo” vakergya Luka. Numay,yuno akale bersheste amerikaki Kompania”ContourGlobal”putergya oferta vash vazdipe vash kosovaki termoelektrana ini kota shov kompanie, ano harno mashkar e anglokvalifikacia vash inzhinjerya,vazdipe thay adikeripe termocentrala “Nevo Koosvo”,khuvde shtar konzorcie,kola pherna uce tehnikune thay finasiyune standardya.

Akana achola te ajukergyol ini decisipe kota OPIS, koya ani intervista e “ContourGlobal”rodingya kay pe lungipe e vazdipasko “Nevo Kosovo” vastinla moderyuni thay may efikasyuni tehnologia,kolea dakordingyola ini Kosovako Raipe. Te sine kay deputetya inplementa “suveryuni garancia”odoya ver yek bersh ka ulagyol akava proyekto 240 ji pe 360 milionya eurya leipe pe dikhipe kota funksionaluno kapaciteti,numay te sine kay o deputetya na inplementina,Kosovo shay te pokinel konpensipe ani Kompania “ContourGlobal”,ano kobaripe 19,7 milionya eurya.

KosovaLive – Violeta Oroshi Berishaj