Vash sebepi e kvorumesko,som jene e kosovake parlamenteske ijune diveste na votinde  vash iniciyativa e sherune Sombershipasko Kadri Veseli.

Deputetya kota duy  opozicione partiyake Demokrativuni Kosovaki Partiya, thay  Korkorodecisipe mekle e sala,thay  parlamentesko presidento  khargya olen te irangyon,feri so  e “Srbiya  ka ovel godorni vash genocid”.

“Adive ano ansamble na manglape te ovel politikune partiye,feri so kana murdargya,Srbiya na ulagya  amare manushen e partiyenca. Adive,sasavipeya kota inati shay te angyol  yek decisya,vakergya Veseli.

Vakerindoy vash viktimyengi familya, Veseli vakergya kay kota olengo  decisipe olengo avazo ka shungyol ano sakova parlamenti.

Yaverunoministri  Enver Hoja sasavipeya khargya  opoziciya  te votuinen vash  Tribunali  vash krim mareba, ,kote vakergya  te sine kay politikune partiye na silen yek   stavi pedero akaya tema, akava shay te dikhol ini o sundal.

“Isiton duy sebepya soske shay te ova kethane ano akava kedipe. Yekto,vakergyola vash dinjenieti e viktimyengo.Savore simey viktima,numay dayek  pokingya bari nota.Duyto sebepi  kay kolegya  kota opoziciya shay te oven ano kedipe,shay te ovel diso avereya, sar amen dikha akaya tema thay save mehanizmya pashara,ayeka ka dikhel akava o sundal. Te sine kay amen na siyem yekhune  ayeka shay te dikhelamen ini sundal.Pakyava isi nesave teme  kolenca shay tena ova yekh,numay isi nesave aver teme  pe kolende  isito ulavdo vash te ova yekhune”,vakergya Hojay.

Albin Kurti ano poro Facebook hramingya  kay iniciyativa kota Veseli, vash Tribunali vash krim mareba isi phanipe e Specialune krisea  thay oleski dar  kota akava kris.

Pe aver rig ini Glauk Konjufca dengya mol  vash ideya kota  Veseli  vash themelipe e Tribunalesko sar yek but telaripe   e viktimyengo.

Pe ayeka stavi e opoziciyako reagingya  ini parlamentaruno shefi,  e Demokrativuna Kosovaka partiyako, Memli Krasniqi.

Numay,themelipe akale kriselinako  phikoingya  Kosvako presidento  Hashim Thaqi, kova  ano bershuno hramipe e murdaripasko Enver Topaliya,ani  Dubravaki zndana 1999 bersheste,deklaringya kay o vahti  kay bizo politikune institucionalune  thay yavruno amalipe shay te ovel  yekhuno ano pederodikhipe kota akuza vash  srbyuno genocidI thay ni yek tena ovel kotor  vash akava krim.

“Akala dive ani Kosova pelargyem godi  vash krim,masakra,thablovipe,thay etnikuno shuzharipe, ji pe srbyuno genocidi,numay niyek palo 20 bersha sherune vash akava krim na ikliste angle mashkarthemutno  yase  thanutno  dogripe.Ayeka kota Sombershipe angledo nesave dive angya Rezoluciya  koya akuzinla genocidi  Srbiyako  ani Kosova”,deklaringya mashkaro sah Thaqi.

Numay, Veseli informingya phiravipe e kedipasko,pe kolate ka phiragyol diskusiya thay te  votuinel vash themelipe e themutna komisiake,koya   puterla drom vash Tribunali, vash srbyuno  krim  shrdla ani Kosova, kote na specifikingya kana akava shay te ovel.

KosovaLive-Violeta Oroshi Berishaj