Aktualune Nevipya

Trin elektrikune sheya ulavdile vash o siklovne kotar komunitetya rom, ashkalie thay egipqayna

  • 16/05/2020
  • By Romano Avazo
Share

Sheruno e Prizrenesko, Mytaher Haskuka thay e direktorka e Siklipaske Direktorateski ano Prizren, Xhemile Thaqi Vezgishi, ulavde teknikune sheya ani shkolla “Haziz Tole” koya araklola ani mahalla “Jeta e Re”.Trin teknikologikune sheya (ipad) ulavdile vash o siklovne komunitetyenge rom, ashkalie thay egipqayna.

Ani akaya shkolla o gendo e sah siklovnengo si 800-900 siklovne kote mashkaro lende si 80-90 siklovnge kotar o leparde komunitetya potencinla o Hilmi Rexhaj, direktori e skolako “Haziz Tola” thay ov phenlla kay 23 siklovne kotar o komunitetya kay na silen shayipe te phiraven o distancionaluno siklipe.Ani sah komuna e Prizrenoski 176 siklovne kotar o komunitetya rom, ashkalie, egipqayna sari shrdisalo akava stili e siklipasko e-mesimi na phiravena kherendar o skoluipe vash o sebepi kay na silen elementarune sheya vash te phiraven o siklipe.

O kriteri vash te dengyon akala teknikune sheya si kay e familia musay te ovel ano socialuno azhutipe.

O Mytaher Haskuka phenla kay po buderi se 95 pe shell e siklovnengo phiravena o distancionaluno siklipe. O statistike phenena 480 ano totali na silen shayipe  te phiraven o siklipe olendar 176 si kotar o komunitetya.

Akala sheya e Komuna akseptingya kotar yekh donacia angle nesave dive, 50 tabletya kotar e kompania “Ecolog” thay 38 laptopya kotar Ministria e Siklipaski, Skenciaki thay Teknologia thay Inovcaioneski kote dendili sar donacia kotar e kompania “Elkos Group”.

“E Prizrenoski komuna ka muqinelpe kay so po buderi foshnenge te siguringyon akala teknologikune sheya” sine agorune alava e Mytaher Haskukaske.