Taksa  kota 100% decisimi kota  Kosovako raipe vash inportime  produktya  kota Srbiya thay Bosna Hercegovina, kergya   kay te vazdingyon konsumipe e thanutne produktyengo,vakerla reprezenta  vahs biznesi.

Kosovaki Aleanca vash Biznesi  kergya yek rodlaripe phando e taksa 100%  ani ekonomia pe data 21-to novembro   ji  pe  5-to  decembro 2018.Pe akava rodlaripe,AKB  anketingya 300  alosarde kompanie ani habaski indisutria, trego,servisi vash vazdipe e obyektesko kota 250 kosovake konsumatorya.

Lumniye Aydini,sarsakanutni menajera kota AKB dela  pe  janipe vash   Radio Tromali Evropa kay ani baza e rodlaripaski  iklola  kay kosovake biznesya,masa kota 100%,dengya pozitivuno efekti vash  thanutno produkti.

Thanutne produktya,vakerla Aydini pe  akava vahtyuno periodi hraminla vazdipe kota 25%.

“ Pali taksa 100%, koya sine vasni,ovela yek baro vazdipe  kota konsumipe e thanutne produktyengo.Vakerava   vash amaro suro, kay ani amari konpania,amen  lungyargem bukyako orari, kera buti ano trin smene ayeka ini pe lungipe e vikendesko.Vazdipe e produkytengo  ovela   te vazdingyol ini gendo e butikerutnengo ani kompania”,vakerla Kosumi.

“Rodava kota  Kosovako  Raipe te cidel taksa vash giv,varo,khil,deterjenti(shamponi) thay ano aver  esencialune produktya kola isiton  pohale ani konsumatoryengi sevli,roda kota institucie kay ano thavd 1 thay 31  thay ani  samatranda e Srbia te  vazdingyol gendo  vash kotor leipe  ani  carina thay policia”vakergya Aydini.