Sheruno e Sombershipasko,Kadri Veseli  ano phiravipe e plenaruna seancako pe 16 mayo, vash themelipasko  tribunal vash srbyuno krim ani Kosova, vakergya kay na ajukergya  te ovelolen brutaluno khuvipe mashkar politikune akterya.

“Vash ideya akale Tribunaleski,ajukergyum ini khuvipe,calavipe,numay na ajukergyum ayeka diso brutaluno mashkar amende”,vakergya Veseli.

Veseli komentingya ini  publikipe e fotografiyako koya kergya deputeta kota PDK-Flora Brovina, kote dikhlola  kay yekha juvlake ovela vastuno zor pe lungipe e marebasko,numay Brovina  vakerla kay odoya fotografiya sine realizimi pe lungipe e marebasko ani Kosova,numay ayeka kay na iklola te ovel cacuni.

“Odoya dive Flora Brovina kergya bangipe but pharo,oy isitoy korkori  viktima vash srbyuno genocidi.Reagipe pedero olate shay ovna sine may balansime.Zor pe lungipe e marebasko ani Kosova isito jando cacipe,na manglape ni yek foto vash te mothava akava”,vakergya Veseli.