Siyem ano trinto qhon kay riaktualizisalo e romane komuniteteski rodlarin vash penjaripe e romana qhibyako sar qhib ano ofisiyaluno vastipe ani Prizrenoski Komuna.

Palo ver-verutne maladipya e centralune thay lokalune reprezentyencar, akana shrdinde o maladipya vi e Prizrenoska Komunake Asambleistyencar.

Koordinatori e projektesko "Promovipe e diversitetesko thay e romana qhibyako ani Prizrenoski Komuna", kova implementigyola kotar o Nevo Koncepti thay phikoingyola kotar Eurpako Koncili, Fatmir Menekshe arakhlape vi e asambleista Sevil Liman Kazaz kotar e turkyuni partia KDTP, kola informingya vash e rodlarin thay rodingya phikoipe kotar oy thay e partia KDTP.

Sevil Liman Kazaz thay e partia KDTP deklarigya kay si gatiserne te phikoinel e rodlarin kay e romani qhib te penjargyol sar qhib ano ofisiyaluno vastipe ani Prizrenoski Komuna.

_______________________________________________________________________

Edhe KDTP mbeshtet kerkesen per gjuhen rome

Jemi ne muajin e trete te riaktualizimit te kerkeses se komunitetit rom qe gjuha rome te njihet me statusin si gjuhe ne perdorim zyrtar ne komunen e Prizrenit.

Pas takimeve te shumta me perfaqesuesit e nivelit qendror dhe lokal, tani kane filluar edhe takimet informuese me kuvendaret e Komunes se Prizrenit.

Koordinatori i projektit "Promovimi i diversitetit dhe gjuhes rome ne komunen e Prizrenit", qe implementohet nga Nevo Koncepti dhe mbeshtetet nga Keshilli i Europes, z. Fatmir Menekshe ka realizuar takim informues me kuvendaren Sevil Liman Kazaz nga partia KDTP, rrjedhimisht nga e cila ka kerkuar edhe mbeshtetje.

Sevil Liman Kazaz ka deklaruar se ajo dhe partia KDTP mbeshtesin kerkesen e komunitetit rom qe gjuha rome te njihet me statusin e gjuhes ne perdorim zyrtar ne komunen e Prizrenit.