Aktualune Nevipya
Voice of Roma, Ashkaly and Egiptian kerla kharipe vash te aplikinen ano praktikake butikeripesko programi
- 21/07/2021
- By Romano Avazo
Akava proyekto pasharla shayipe e 3 ji 6 qhonyune praktikune butikeripaske e kandidatyenge juvla thay terne qhaya kola agorime e mashkarutni skola thay universitarune studie. O programi si puterdilo e 1 martostar 2021 thay si puderdo ji pe 31 decembro 2021 vash sakova sektorali thay umal olengoro studipesko, ani sakoya komuna e Kosovaka
50 juvla thay qhaya kotar o komunitetya roma, ashkalie thay egiptasya silen shayipe te vijainen akaya praktikaki
O butikeripe shay te ovel ano institucie/kompanie kola pasharna bukyake thana, kote 3 ji 6 qhona ka ovelolen qhonesko pokipe.
Mashkaro akava programi o juvla thay o qhaya ka vazden pere janipya, o janipe ka vastinen ano pere profesie kola ka vastingyon ano avutnipe e kompaniyengo thay instituciengo kote ajukergyola te agorinen o praktikuno butikeripe, thay ka ajukergyol ji pe may lungo kontraktipe ano akala bukyake
O kriterya vash o aplikipe si: aplikantya musay te oven pederal 18 bersha; favorizingyona o siklovne e mashkarutne skolenge thay univestitetyenge; janipe e khetane butikeripasko; te oven registrime ano Butikeripaski Ofisi; ten a ovelolen bukyaki eksperienca; o aplikantya tena jivdinen may dur se 8-15 kilometre e bukyake
O vahti vash o aplikipe 23 februarestar ji pe 10 septembro 2021.
O aplikipe vash e praktikuni buti sit e ovel mashkari elektronikuni forma, prekal e butikeripaski platforma http://careerempower.org/, may angle manglape te registringyoven sar platformake vastutne, palo akava te aplikinen ani qham kote hraminla AKTIVITETE.
Ano aplikipe musay te qhivgyon o dokumentacie sar: CV, Motivipasko Lil, identifikispasko lil, personaluno bankako
Kandidatya kola sit e pheren o kriterya vash o aplikipe, si te khuven ani kedimi lista sar potencionalune kandidatya vash intervista, kote vi ka kontaktingyon vash e intervista.
O kandidatya silen hako, te rekomandinen vash o bukyako than, kote ajukergyola te phangyol lenge studienga umala.