Aktualune Nevipya
Votuinla e Kandidata vash asamblea Lejla Veshalli
- 17/10/2021
- By Romano Avazo
Ry. Lejla Veshalli kandidata vash asamblista kotar e PREBK votuinla ano votuipasko centro 2006X ano koya araklola ano Kampusi e Universitetesko “Ukshin Hoti”, ano Edukipeske fakulteteske klase.
“Akava bersh sine o lokalune alosaripya thay sa o roma manglape te alosaren, sah o manusha e romane komuniteteske manglape te iklon te votuinen thay te resa yekh rezultato koleya ka vijaina yekh beshavni ani Prizrenoski Asamblea”, phenla e rayni Veshalli.
Lejla Veshalli koya akharela o gendo duy ani lista e PREBK-eski (Kosovaki Romengi Yekhipaski Partia) dela mesazhi thay inkurayinla e romane komunitete te iklon ano lokalune alosaripya thay te votuinen kay lengiri partia te vijainel thay te ovel kotor e Prizrenoska Asambleaki.