Trin romane partie sar: PREBK, LPRK thay KNRP, yekha biajukerda decizia ovna khetane thay agyar dena e lista e kandidatyengi vash o deputetya ano KQZ – Centraluni Komisia vash o Alosaripya.
Ji pe data 10.to decembri niyekh e partiendar na informinde kay ka ovelolen yekh khetano butikeripe vash te khuven ani yekh lista yase te phanen kualicie vash o Alosaripya e bersheske 2025, thay sol trin partie gatiserde peste vash te khuven ulavde ano kampanye.
Numay, 1 dive anglo aplikipe ano KQZ, lelili e decizia kay sol trin partie te khuven ani lista e PREBK-eski koya si o yekhto thay may purani partia, ini seske e partia LPRK sila akana mandate ano Kosovako Sombeshipe.
KQZ informingya kay akana o roma si te ovelolen duy partie kola ka keren mareva mashkar peste vash o alosaripya e bersheske 2025, kote e PREBK sila 56 kandidatya jikay e nevi partia Opre Roma Kosova 12 kandidatyencar.
