Vjosa Osmani, Presidentako Kabineti, ka kontaktinel e politikune partiencar vash te alosarel yekh konsultativuno sahastarno kedipe, palo nashti resipe e Kupatnake Konstituipasko, mothavipa kay e Presidenta sine sakoyaver gatiserni, shrdipa e datatar 16 aprili, numay saday akana nesave partie rodinde akava kedipe.

Pali konstituipaski seanca e 15.to aprileski, e Kupatni 12 fora nashti resla te alosarel e sherune/a, thay adive ajukergyola o 13.to tentativa.

Blokada koya uli palo nanipe e votengo vash e Albulena Haxhiu – sar kandidata e Vetvendosyaki te ovel sheruni e Parlamenteski, feriso o opoziciake partie siton mamuy thay nesave deputetya abstetinena jikay nesave ni na nakhena.

PDK thay AAK rodena yekh aver kandidati kotar Vetvendosya, jikay o LDK refuzinela sakole kandidate kotar akava subyekti.

E situacia kreiringya politikuno grci kova rodingyola te alosargyol urgentno prekal mashkarpartiakuno dialogi.