Ano parlamentarune alosaripya e 11.to mayeske 2025 ani Albania, Socialistyengi Partia (PS), koya phiravgyola kotar Edi Rama sigurningya yekh klarifikimo vijaipe, leipa 52.23 pe shel e votengo thay 83 mandatya ani Albaniaki Kupatni koya sila 140 thana.
Opozitaruni Koalicia phiravdi kotar e Demokrativuni Partia (PD) thay e Aleanca vash Sumnakuni Albania (ASHM) vijainde 34.05 pe shel e votengo e 50 mandatyencar.
Kotorleipe ano votuipe sine 46.54 peshel, inkluqipa vi e diaskorake vote.
Edi Ramasko vijaipe o shtarto mandate sar sherunoministri, kerlole may lunge vahtesko lideri ano obligipe palo peripe e komunizmesko. Rama dengya lafi vash sigyaripe e Albaniake integripasko ani Europaki Unia ji ano 2030-to bersh, yekh obyektivi kova phikoisalo kotar buderi albanyune dizune.
Sasavipea, e alosaripasko procesi amalisalo buderi akuzencar vash naregularno kotar e opozita, inkludipa e votengo manipulipe thay kriminalune grupengo impakti. Mashkarselikane dikhlarne qhivde ano dikhipe o vastipe e publikune resursyengo thay presiako ko rashtrake butikerutne, numay o procesi konsiderinde kay menajisalo ani profesionaluni forma.
