Ano nakhlo kurko, 15 thay 16 may, ani Siriues e Prishtinako, o koncorciumi Voice of Roma, Ashkali and Egyptians, Terr Des Hommes thay HEKS, realizinde o shtarto edicia e Ideatoneski kote lele kotor 13 organizacienge parteritetya.

Palo duy disuno intensivuno butekeripe o kotorleutne ano Ideaton prezentinde angli moldipaski komisia pere idea vash te keren Mareva e diskriminacia koya ovela pederal o komunitetya roma, ashkalie thay egiptasya vash te vazden e amalipasko inkludipe.

O prezantirime ideye uqharde mahatne umala sar: juvlengo zoralipe, sahastardo edukipe thay kulturako promovipe, Mareva mamuy o stereotipya thay anglokrisipya, vazdipe e mashkaertnikune khetane jivdipesko, ternengo angashipe, avokupe vash o civilune hakaya thay ekonomikuno zoralipe e komunitetyengo.

Pe agor, e 13 organizacienge parteritetyendar, 8 nakhavde e angluni faza, jikay 6 si te vijainen o grantya palo moldipe e duyta fazako.