E Prizrenoske dadalarya aqhona bizo azhutipe vash te aplikinen vash te vijainen o subvencie vash pere qhavorenge librenge love kotar o MAShTI feriso na janena te vastinen shukar e e-Kosova.
Akala agorune dive, sar puterdilo o rroki vash aplikipe, biaqhile e romane, ashkalyune thay egiptasyune komunitetyenge, dizutne, daya-dada avena ji pe ofisi e Radio Romano Avazo-sko, feriso angleder e LPRK partiako ofisi sine puterdo thay akava servisi pasharde e partia.
Numay akana e adresa vash te phikoinelpe e dadalaren na si veke e partia thay buderi e dadalaryendar phenena kay o passwordya vash e-Kosova silen e partiake butikerutne.
Sasavipea, kava shay yase nane shayutno, palem o romane aktivistya, organizacie kola Lenape edukipa thay e Partia PREBK, musay te angashingyon thay yekh ver te phikoinen e dadalaren vash te aplikinen vash o subvencionipe thay napal te sikavenolen korkore te vastinen e e-Kosova vash te roden yase vijainen po servisi bi aqhilo po zori nikaske.
