Mashkari ofisialuni qham e PREBK-eske sheruneski, r. Albert Kinoli, deputeti ano Kosovako Sombeshipe informingyona sah o dizutne kay o kandidati kova ka kandidinel vash o lokalune alosaripya kola ka adikergyon pe 12.to oktombro 2025, si te ovel o r. Blerim Avdo.
Blerim Avdo sine sheruno e LPRK-eska krangako ano Prizren, thay angleder nesave vahtya dengya cidipe vast kotar akaya partia. Jikay akana ov aderingya yase ulo kotor e partiako PREBK.
Blerim Avdo penjargyola vash poro aktivizmo ano ver-verune umala e may konkretno ano pasharipe e socialune servisyengo kote bershencar sine sar jeno kova phikoingya e romane komunitete vash te len socialune vay aver servisya.
“Blerim Avdo, phiravutno e listako e PREBK-so ano lokaluno alosaripya
Adive sinema qhalaripe te shukarajukerav e Blerim Avdo, phiravuno amara listako vash lokaluno alosaripya thay yeke may zorale aktivisyendar e romane komunitetesko ano Prizren.
Blerimi startingya poro angashipe ano bersha ’90 ano kulturuno-artistikuno amalipe “Durmish Aslano”, kote sine yeke foklorisyendar thay artistyendar, adikeripeya o arti thay kultura romaoi dinyiteteya thay zoralipeya. Leski buti na aqhili numay e kultura, kotar o bersh 2010 ov sine bi aqhavdo politikuno aktivisto, kote mothagya poro zoralo romano avazo.
Lesko aktivizmo mothavgyola ano umal e socialuno shukarneevolviripasko, butikerpasko thay administrativune mangipyengo, kote keren ole yek mahatno reprezenti ano publikuno jivdipe thay institucionaluno ani amari diz vash o roma.
Blerimi sersivingya vash shtar bersha sar sheruno e degako ano oponentyuno partiye, numay akala seleltingya qhaqhutno vudar, yekto partia e romengi ano than, PREBK. Blerimi mangela kay ani Asambleya te ovo romano avazo, ayeka te phiravol piri buti vash te ajutinel e romane komunitete kotar PREBK.”, si sa o hramipe e partiake sherunesko, r. Albert Kinoli.
