Ano adisuno kedipe vash e Prizrenoska Komunako Kupatnako konstituipe, sheruno Shaqir Toaj dengya lafi vash o duyto mandati, kay ka pherol sah o obligipya thay ke phiravel pere kompetence pativalipa, yekhune resea vash te kreirinel may shandyune kondicie thay may kualitativune vash sah Prizrenoske dizutne.

“Nays kerave sah e votantyenge vash i pakyav thay dendo phikodeiope. Dava lafi kay ka dav servisi sarenenge biulavipa, thay khetane ka kera o Prizreno may funksionaluno, may laqho, ayekha sar merituinla, mashkaro direktuno khetanobutikeripe e dizutnea.”, phengya o Prizrenosko Sheruno Shaqir Totaj, kova vijaingya o duyto mandati.

Pelara ki godi kay e Kosovaki Demokrativuni Partia – PDK, vijaingya o lokalune alosaripya pali balotasha mashkari kreirimi koalicia e Kosovaka Demokrativuna Liga – LDK.