Yekh misal kova manglape te phiravgyol thay manglape te realizingyol kotar sakova sheruno e Kosovake komuningo si o arakhipe e Fushe Kosovake sherunesko Valon Prebeza e haricune komuniteteske reprezentyencar.

Mashkaro lesko hramipe, o Fushe Kosovako sheruno mothavla kay erati realizingya ofisalune kedipya e haricune komunitetyencar kola jivdinena ani Fushe Ksoovaki komuna, sar si o ashkale, egiptasya, serbya thay roma.

O kedipe realizingya vash te diskutinen vash e generalauni situacia e komunitetyengi palo ziyayna thay agorune brishina, o emergentyune mangipya thay o aktualune sfide.

Ano kedipe vakerdilo vi vash e Komunake Talosherunesko alosaripasko procesi sar si o krisyuno rami e yekhe institucionalune khetanebutikeripaske phudea, konstruktivune dialogea, kolencar ka phiraven sah o avutne decizia leipaske procesya.