Kosovaki Konstituciaki Kriselin decizingya harikarvahtuni masa vash o dekreti e presidentako Vjosa Osmani vash Kosovaka Kupatnako ulavipe.

E decizia lelili pali rovlarin koya thovdili kotar o sherunoministri Albin Kurti ano anav e Kosovake Raipasko.

Mashkari decizia, o harivahti khuvla ano zori pe 9.to marti thay ka aqhol ano zori ji pe 31.to marti. Mashkari akaya perioda aqhavgyola sakova akti e presidentako phando e Dekretea gendo 24/2026 e 6.to martesko, thay sakova akti e Kosovaka Kupatnako.

E kriselin moldingya kay aqhavipe e sakola deciziako thay aktesko kotar o institucie si ano interesi e publikako vash garavipe e konstituciake rendosko thay demokrativune funksionipasko e amara rashtrake institucioengo.