Palo atako e srbyune vaterpolistyendar yekh dive may angle ano Spliti e Kroaciako, o srbyune tifozya pederal khelipe posavna e kroatyune “Torcidyen”. O Zvezdake fudbalistya anglo duy dive khelde ano Stadioni ‘Marakana’ mamuy e Voyvodinake, vay e grupa e tofonyengi akale klubeski, penjarde e naveya ‘Deliye’, ano than kay te keren tifozipe vash poro klubi, ola may buderi lelepe e tifozyencar kotar o Hayduko, penjarde sar ‘Torcida’.

O ‘Deliye’ may angle putarde yekh transparenti mashkaro kola rodinde kay o sebyuno klubi te duryargol kotar e rayonaluni Liga e vaterpoleski.”O mothavipe e Jadranesko ani len e Spliteski, simen mamuy ayekha formake ligengi ji kay amen ka ova jivde”, phengyola ano yekh e transparentyendar, palo kola o tifozya ani tribina qhingarena sine: “Zvezda , Srbiya , nikana Jugoslavia”. Talo transparenti, dikhlola sine klaro ini e bari fotografiya e sheruneqetnikosko Drazha Mihaylovic.

Mashkarovahti, o srbyune tifoze lelepe ini e Trocidyencar.’O huliganya e Spliteske atakinde e kheldutnen,  na kamamtu Maryan thay toverencar ano vast si te qhina sah e spliqaynen’, dende mesashi o beogradeske tifozya. /Zëri/