Ministri Andrune Bukyengo ani Srbiya, Aleksandar Vulin, deklaringya kay ji kay Aleksandar Vuqic dogrinla Srbiya,”Kosovo na sito thay na ka ovel them”.
Akaya deklaraciya kota Vulin resla kana sherunoministrie Kosvako, Albin Kurti deklaringya tetrad dive kay problem na sitoy Kosova, numay Srbiya.

“Amen pana na simen problemya e Srbiya, Kosovo na sitoy problem.Problemi isitoy Srbiya, ulavipa presidente odole thanesko kova gendinla thay vakerla sar ano 90-to bersh deklaringya Kurti vash kroaciyaki televiziya “HRT”.

Vullin vakergya kaya kava so vakerla Kurti “isito cacutno”, feri so sar sip e leste Kurti na atakingya Tadiqe thay niyeke aver srbyune politikane, numay korkore Vuqiqe, raportinla agenciya vash srbyune nevipya Tanyug.

Kurti janla ji kay Aleksandar Vuqic phiravla Srbiya, Kosovo na sito thay na ka ovel them, deklaringya Vulin.