Biyamo ano 12 marti 1959 ano Prizren. Agoringya o studie ani Prishtina ani Arteski Akademia – Kranga e Muzikaki thay magistratura sar Muzikako Pedagogi. Agoringya yekh intenzivuni akademia vash o aktripe thay rejia ani klasa e Prof. Faruk Begolli. Diplomingya sar romologi ani Sorbona e Pariseski. Kergya buti sar sikavno, zhurnalisti, poeti, hramarno thay yekh vahti profesori ano Prishtinako Universiteti thay Prizrenosko Universiteti, pe agor ov sine vi deputeti Kosovaka Republikako ani 5.to lejislatura.

Ole sile but atributya vash r romani kultura numay amen ka hramina numay vash o Romano Teatro. Jangyola sar yekh e anglune personalitetendar kola formirime o Romano Teatro talo Prizrenosko Kulturako Kher “Xhemajli Berisha”. Ano bersh 1994 hramingya yekh drama e anavea “O Spiuni” thay kergya olaki rejia. Sine but penjarno artisti kova aktringya thay kergya buti e but penjarne arteske personalitetencar, sar e drama “You Madeline You” e Yeton Nezirayea thay but ver organizimo poetikune rakya e Enver Petrovcea. Ov sakoya ver sine pashe e Romane Teatroske kova dela sine profesionalune instrukcie thay baro phikoipe vash o teatro thay o neve artistya. Phangla pere yakha pe data 17 may 2018.

Sasavipeya ov aqhola ikona e artoski thay e kulturaki ani sah lumia.