Sinopsisi e dramako: “O kamipe na puqela”

E drama “O kamipe na puqela” si drama koya mothavela disave adetya kola therna o Roma ano Prizren – Kosova. O roma ano Prizren mangena te muken o purane adetya thay mangena te jivdininen agyahar sar si po shukar vash olenge. Mangena te nashen e purane tradicienda kola na mukena o ternen te prandinenpe.

Mangena te phagen e kustikyengo bihalovipe thay mashkar peste mangena te ovel phralipe, yekhipe, kamipe…

Suksesi e dramako “O kamipe na puqela”

O dikhipe e angluna dramako e tragediake karakterea ovela pe data 06.06.1992.

Baro entuziazmi akala trupako prezetingya e drama bare suksesea, kote mothavdilo yekh pekipe thay may uqo artistikuno niveli.

E drama “O Kamipe na puqela” kotar o autori Selahetin Kruezi thay rejia kotar o Kuytim Paqaku kheldili nesave fora ano Prizreno numay ini ano yaver diza ani Kosova thay avri Kosovatar. E drama ajukardili thay dikhlisali bare interesipea, kote o aplauzya mothavde kay akale teatro sile anglipe numay ini prosperiteti vash o teatrosko anglipe.