𝐑𝐨𝐦𝐚𝐧𝐨 𝐓𝐞𝐚𝐭𝐫𝐨 𝐍𝐞𝐱𝐡𝐢𝐩 𝐌𝐞𝐧𝐞𝐤𝐬𝐡𝐞 – 𝐨 𝐝𝐚𝐭𝐮𝐦𝐢 𝟖 𝐝𝐞𝐜𝐞𝐦𝐛𝐫𝐨 𝟐𝟎𝟐𝟒 𝐡𝐫𝐚𝐦𝐢𝐧𝐠𝐲𝐚 𝐚𝐧𝐢 𝐇𝐢𝐬𝐭𝐨𝐫𝐢𝐚, 𝐦𝐚𝐬𝐡𝐤𝐚𝐫𝐨 𝐤𝐡𝐞𝐥𝐢𝐩𝐞 𝐞 𝐤𝐨𝐦𝐞𝐝𝐢𝐚𝐤𝐨 “𝐆𝐮𝐠𝐥𝐞 𝐋𝐨𝐯𝐞” 𝐚𝐧𝐨 𝐌𝐮𝐧𝐬𝐭𝐞𝐫 𝐞 𝐆𝐞𝐫𝐦𝐚𝐧𝐢𝐚𝐤𝐨 𝐤𝐨𝐭𝐞 𝐚𝐧𝐠𝐥𝐮𝐧𝐢 𝐯𝐞𝐫 𝐢𝐤𝐥𝐢𝐥𝐨 𝐚𝐧𝐨 𝐄𝐮𝐫𝐨𝐩𝐚𝐤𝐞 𝐫𝐚𝐬𝐡𝐭𝐫𝐞.

May tele shay te arakhen o pherdo postipe kova postisalo ani ofisialuni qham  Romano Teatro " Nexhip Menekshe".

"Nays kera amara publikiake kola ale kotar o Essen thay aver dizya e Germaniake vash te denmen phikoipe te kera yekh artistikuni thay sumnakuni atmosfera ani yekh Germaniaki teatareski skola sari sine Primus Schule, kote pakyava kay parnargyam amaro romano muy mothavinindo o kualiteti thay o artistikuno niveli e amare aktoryengo thay teatrosko.

May anglal kera nays e Ministriake vash i Kultura, Terne thay Sporti kola realizinde amaro suno kay e Romano Teatro “Nexhip Menekshe” thay amaro kualiteti te mothava thay te promovina avrial.

Nays e khetane organizatoryenge: Ragip Jashari thay e Sikavnenge Organizacia vi o aver leske pashune jene so shukarajukerdemen.

Nays e romane aktivistyenge kola shukarajukerdemen sar si o: Arsim Cana – Kosovo Grill thay leskiri ekipa kola lokakerde amaro avipe thay iranipe kotar e Dusseldorfesko airoporti thay vash yekh baro ruqko, ani aver rig nays e organizaciake Romano Yekhipe kola organizinde yekh shukar ajukeripesko kedipe ko poro ofisi thay yekh akshamluko/ratyako habe ji pi baklava, nays e organizaciake Lokhar Dukh kote lakoro sheruno o Hamit Avdo shukarajukergyamen ani penjardutni sar Terzimahalake Romengi diz ani Germania – o Essen.

Durmish Aslano thay Romano Teatro “Nexhip Menekshe sakoya ver si te funskioninel vash tumenge! Dikhamen ko aver drom".