1.to mayi – si Qhavorengo Mashkarselikano Dive, kote sah o dadalarya ikalna pere qhavoren te festuinen akava dive ano centarya: sar Shadervano, Abi Qarshia yase Galeria kote realizisale ver-verutne aktivitetya.

Shrdipa e teharakostar, ano Shadervan sine vi ekspozime o purane antikune vrde kotar o festivali “Old Timer Fest”, kote kerde e atmosfera may barvali thay may interesimi vash eskploripe kotar o dizutne e Prizrenoske numay vi kotar o aver diza thay rashtre.

Palo odova, ano foro sine buderi khelipaske sheya thay pherde palaco kola dikhkle te loshakeren e qhavoren.

Ani aver rig, realizisalo vi o festivali Bunarfest, kote gumencar mekhlepe kotar ano pani Lumbardhi kova ulavla e Prizreno ano duy riga, thay adikerla amara dizyako ogi.

Bunarfesti amalisalo vi ver-verune bendyenge bashalipa ano Key, pandar bi shrdimo ki rat pe ora 8:30 o Qhavorenge Gilengo Festivali “Flutra 2025”.