E 21 votencar vash, ani adisuni avrirenduni seanca e Prizrenoske Kupatnaki aprovisali e yekhuni vira e diveske rendoski: Dikhlaripe thay aprovipe e Prizrenoska Komunake bujeteske-propozalesko vash o bersh 2026, vi ayekha bijetaruno anglodikhlaripe vash o bersha 2027 thay 2028.
Direktori vash e Ekonomia thay Financie, Levent Bush, jikay prezentingya o bujeti e totaluna suma e 75 milioyna 43 mile 313 euroncar, potenciringya kay mashkaro bujeti dikhlargyola o meajipe e publikune sheyengo, bayaripe e transparenciako thay stabiluno phikoipe vash o temelune sektorya.
Jikay o shefya e grupenge sar o Arianit Berisha kotar o PDK, Dafina Alishani kotar VV, Haziz Hodaj kotar LDK thay Shukri Quni kotar AAK, moldime sar na sahastarno kava bujeti vash sah e Prizrenoska Komunake lokalitetya.
Sasavipea, o bujeti votuisalo feriso agorisale o krisyune vahtya, vash o sepebi yekh e bare problemyendar vash o 9 milionyuno borji kova sinelen vash realizipe e buderi proyektyengo.
