Kosova angla pe godi o 25.to bersh e Recakoska masakrako, kote o serbyune force tasavde pederal 45 albanyune civilyen, masakra koya e Kosovaka situaciake dengya mashkarselikanipe.

Thay akale suroa realizisale homazhe kotar e Kosovaki presidenta, Vjosa Osmani, sherunoministri, Albin Kurti thay sheruno e parlamentaresko Glauk Konjufca thay exambasadori Williiam Walker.

Mashkaro pere deklaracie, dendile mesazhya kotar o sherune e rashtrake vash: mangipe e hakayipasko, koya shay dela shandipe thay mestipe.

Sherunoministri Kurti kergya naysipe e OSBE-eske exambasadoreske, William Walker, kova mothagya sah e lumiake so ulo ani Kosova thay kay akava kergya kay ov te ovel may bi-kamlo jeno kotar e Serbia ini adive.

Jikay o trinto deklaracia dengya o sheruno e parlamentesko kova vi ov phengya kay akala qhelale aktya e Serbiake, kerde kay e demokrativuni lumia te bombardinel e NATO-a olen, thay akava putargya drom vash te mestingyol e Kosova.