64 rodlarina kotar o phande jene ani zimdana vash te yeftisergyol olengo brandipe gele ki Kosovaki Presidentaki adresa. Numay, e Vjosa Osmani nikaste na yeftisargya, andar o 5 bersha.

Saday yekha juvla koya sinola o penaluno akti “Publikune Trafikesko Rizikipe”, yeftisargya lako brandipe mashkaro yekh Yeftisaripasko Dekreti pe 29.1.2025.

Ini soske eks Populaciako Avokati, Hilmi Jashari phenla kay ano zimdane si persoyna kola pherena o kriterya vash te vijainen yeftisaripe, feriso e brandipasko/phandipasko sepebi si risocializipe e manushengo odola kola yeftisargyona vash te oven laqhe dizutne vash o amalipe thay e regulative mothavla vi o konkretine kriteya mashkaro Krisi vash yeftisaripe kova shay avla kotar e Presidentako autoriteti. Thay akala decizie silen baro efekti ko phande manusha sar o nakhavena o jivdipe ani zimdana.

E bershesta 2009 ji akana 300 manusha yeftisardile kotar o Presidentya, jikay o Hashim Thaqi yeftisargya 10 phande manushen andar poro mandate.