Pe data 01.12.2024 adikerdili e digitaluni ekspozita ” Melodiake rezitence” kotar autora Gynesh Veshall.
Ano kuadro e 16 dive aktivizmoske pederal e violenca adikerdili digitaluni ekspozita Melodiake Rezistence, kote kotor leyutni sine vi Ministra vash hakayipe Albulena Haxhiu.
Ani akaya ekspozita o romane juvla thay terne qhaya sinelen shaipe te arakhenpe e Ministra. Ano beshipe kova realizisalo palo turi e ekspozitako e Ministra Haxhiu adikergya kedipe e romane juvlencar kote on sinelen shaipe te keren puqipya thay te mothaven pere mangipya kotar e Ministria, resipe e dikutipasko sine mahatnipe e 16 dive aktivizmoske kote tretirisali e tema say te tiknol o gendo e violencake thay e abuzime juvlengo e minsitra potenciringya kay “ni yekh ver na si te nashavgol akava negativuno fenomeni na numay ani Kosova numay ani sah e lumya numay amen sar Insitucie thay tumen sar amalipya simen but buti vash te laqhara e situacia”.
Pederal ekspozita vi o aktori e Romane teatrosko r. Benyamin Menekshe interpetingya nesave poezie, ani yekh zorali forma mothavdile o afiniteya e romane ternengi thay qhayengi.
Kuratora e ekspozitaki sine e ry.Elmedina Shkurti Haxhifazliu.
