Sar vakergyam ini angluno dive e kurkesko, akava kurko si but tatipe thay sile afrikanyuno vazduh, uqhe temperaturyencar thay bizo brshineske peripyencar.

Hidrometereologikuno Instituti mothavla kay adive o minimalune temperature si mashkaro 14-18 gradya jikay o maksimalune 32- 36 gradya celcius.

Si balvalako phudipe 1-4 m/s.

Mase kola shay lena te evidentinen o tatipe si:

• Pijesini so po but sokya, may buderi pani vash te aqhoven hidratime.
• Uraveni lokhe idya, puterde rangyencar thay materialencar kola mekhna shukarno ventilipe, sar si o pamuko.
• Besheni ani uqhalin kobar shay mashkar orya 11:00 ji pe 16:00.
• Makheni day kremi kay garavlatumen e khamestar kay te na thablol tumari morit.
• Konsumineni lokho maro, frutya thay zarzavatya.
• Te shay ma kereni fizikune aktivitetya mashkari tati temperatura.
• Vastineni ventilatori yase klime ano phande ambientya.
• Kereni tushi shilale paynea.