Siklipaski, Skenciaki, Teknologiaki thay Inovacioneski Ministria (MAShTI) informinla sah e maturantyen, kay adivestar, 27.to mayestar 2025, ka shrdingyol o aplikipe vash Maturake Testesko kova ka ovelole 4 subyekytendar 100 puqipya.
O aplikipe ka ovel prekali platforma e-Kosova thay ka o siklovne silen vahti ji pe 10 yuni 2025, jikay o aprovipe e aplikipyengo kotar e skolake kordinatorya ka ovel kotar 1 ji pe 11 yuni 2025.
O testi ka adikergyol pe data 21 yuni 2025, jikay o rezultatya si te publikingyon pe 30.to yuni 2025. O siklovne kola ka nakhaven o Maturako Testi si te ovelolen shayipe te len e digitaluni certifikacia prekal e platforma e-Kosova.
O testi ka ovel saday ano yekh dive thay ka ovelole puqipya kotar o subyektya: Albanyuni Qhib, Anglikani Qhib, Matematika thay yekh subyekti kola ka alosaren. Sakova subyekti si te ovelole po 25 puqipya.
