Adive sinemen baht te vizitinelmen yekh penjardi rejisera, e ry. Selena Ristic thay o aktorya e dramake “Agor” sar: Sara Stojcic, Aida Vehabovic, Raisa Nurkovic, Anica Radosavljevic, Fatima Karajcic, mashkar kolende si vi e Melisa Menekshe – koya reprezentinela o Romano Teatro “Nexhip Menekshe” pere talentea thay eksperienca.

Amen prezentingyem e Romane Teatroski buti vash 36 bersha, amare suksesya thay sfide vi sakole bershune performance, kote o vizitorya sine but qalarne vash o informacie kay lele amendar.

Desar akalestar, mashkari Romani Biblioteka dengyam sar pocin vi angluni thay agoruni drama e dramaturgeski, Nexhip Menekshe, sar o Kamberi thay e Leyla thay Sine kay sine yekh “Kujtim Paçaku” kola si irande vi ani boshnyakuni thay serbikani qhib, e Monografia “Sumnakuno Dromiripe e Romane Teatrosko ‘Nexhip Menekshe’” thay e Selikane Romane Paramisya kotar e publicista thay kreatora e minibibliotekaki Urma Menekshe.

🤝Akava sine yekh eskperiencengo ulavipe mashkaro romane thay na romane aktorya thay teatroske butikerutne thay pasionantya.