Alosaripyengi Centraluni Komisia agoringya o genipe e sah votyengo vash o anglovahtune parlamentarune alosaripya e 28 decembareske, kote e LVV vijaingya 51.11 pe shel e votengo. Akana e KQZ si gatiserne te ulaven o agoruno rezultati, phengo o avazdeutno e akala instituciako, Valmir Elezi.
“Numay, mashkaro Krisi vash o nacionalune alosaripya, o partie shay te thoven rovlarina ano Alosaripyengo Paneli vash o Rovlarina phando e genipaske administripa ano Genipaske Centarya thay o Rezultutya andar 48 sahatya.”, potenciringya o Elezi.
Agoruni grupa e votuipaske lilengi sine odola posta kola gendile ji pe ora 2:00 e 9.to yanuaresko. Vash akala vote ano PZAP ingardili e rovlarin kotar e PDK vash te na gengyon e diasporake milencar vote kola ale ani Kosova posta.
Mashkaro preliminarune rezultya, LVV hraminde may laqho rezultati e alosaripyengo ji akana, vijaipa 51.11 pe shel kay mangla te phenel 57 deputetya, PDK 20.19 pe shel – 22 deputetya, LDK 13.23 – 15 debutetya. AAK 5.50 pe shel e 6 deputetencar. Thay Serbyuni Lista vijaingya 9 deputetya thay o aver serbi kotar e Partia vash Mestipe, Hakyipe thay Jivdipe o Nenad Rashiq.
