Aktualune Nevipya
Agoripe e diskriminipesko mamuy romano komuniteti ani Kosova
- 03/07/2024
- By Romano Avazo
![](https://radioromanoavazo.com/app/uploads/2024/07/d3bce35d5924c485cbb8630aff08aa10.jpg)
Agoripe e diskriminipesko mamuy romano komuniteti ani Kosova
Diskriminipe pedral o romano komuniteti ani Kosova sito puterdio puqipe kay rodela sama thay amari kolektivuni buti. Diskriminipe sito nahakyuno treteripe e individyengo vay e grupengobazirimo pe raca, etnikuno avipe, religia vay olengo malipesko statusi. Ani Kosova, romanokomuniteti arakhlola e diskriminipeya, duryaripeya thay historikune marginalizipea.
Soske musay te da sama?
Romano komuniteti sito integraluno kotor e ververutna kulturuna strukturako ani Kosova. Vash te kergyol yekh ghakyuno thay sahastardo malipe, amen musay te treterina o diskriminipe thayte sigurina kay o sah dizune, biumlavdo kotar etnikuno avipe, te ovelolen yekhune hakaya thay shaipya.
Sherune puqipya kolencar arakhlola o romano komuniteti:
Samatredimo akcesi ano edukipe: Buderi qhavore arakhlona e aqhipyencar ano kvalitetuno edukipe, so samatredinla olenge perspective vash avipe.
Bibutyaripe: Uqe nivelya e bibutyaripesko andar o romano komuniteti kontribuinena ano qorolipe thay socialuno duryaripe.
Nayekhipya ano sastipesko dikhipe: Akcesi ano sastipesko dikhipe sito buti ver samatredimo, phiravindoy ano may kishle sastipeske rezultatya.
Sfide e kheripeske: Kheripe talo standardi thay namangle kondicie e krisyune jivdipeske, jivdyarindoy socialune nayekhipya.
Kulturake stereotipya: Anglokrisipya thay stereotipya mamuy o romano komuniteti marginalizinena may dur olen.
Ledipe e butyengo
Krisyuno garavipe: Kosova sila krisya mamuy diskriminipe. Raportinena sakova incidenti ediskriminipesko ko mangle autoritetya.
Edukipe: Phikoineni o shrdipya kay dena kvalitetuno edukipe vash romane qhavore thayvazdena o kotorleipe ano krisyune shkole.
Butyaripeske shaipya: Avokineni vash politike kay vazdena o butyaripe, kotorleipe thayprofesionaluno formiripe e romengo.
Akcesi ano sastipesko dikhipe: Buti vash te sigurinen kay o romano komuniteti te oveloleyekhuno akcesi ano servisya e sastipeske dikhipesko.
Laqharipe e Kheripesko: Phikoineni iniciative vash adekvatuno kheripe thay laqharde kondiciee jivdipeske vash o roma.
Informipe e komunitetesko: Astargyoveni ano bazirime programya ano komuniteti kayvazdena shukar kanleipe, dialogi thay phagipe e stereotipyengo.