O khelipe Albania thay Serbia, kova kheldilo pe 7.to yuni 2025, vash o kualifikipya vash e Lumiaki Kupa 2026, ano Tiranako stadium “Air Albania” agoringya e beraberune rezultatea 0-0. Akava khelipe sine e trinto raundesko khelipe e Grupako K, kote pederal 22 mile tifozya kreirime yekh avrirenduni atmosfera.
Albania sinela yekh suro vash te iklon ano avantashi ano yekhto kotor e khelipasko, kote o Elseid Hysaj ikalgya yekh penaltia, numay o ekzekuteri Rei Manaj nashti dengya gol feriso leskoro shutipe aqhavdilo bizo zori kotar o serbyuno golmano Petrovic.
Palo akava beraberipe e Albania adikerla o duyto than ani grupa kote sila 4 virayna, jikay e Serbia si o shtarto saday yekhe viranea.
