Erati ani Amerikake Yekhune Rashtrengi Ambasada realizsalo yekh mahatno thay festivno eventi, sar sakova bersh, kote akava bersh pelardilo ki godi o yaveri e Amerikake misiako palo Kosovako biumlavdipe.
Thay o mahatno mesashi kotar e Anu Pratippati koya sitoy angashirimi ani Ambasada e Amerikaki, phengya kay e “Kosova, than koya si may pro-amerikanyuni ani lumia”, mothavipea kay niyekhe thane sar ani Kosova nane festuisalo akava dive. Thay potenciringya kay ano akava bersh e Amerikaki Armata kergya treningo phiko po phiko e Kosovaka armata.
Akava aktiviteti hramingya e bari rola thay biaqhavdo phikoipe e Amerikako vash e Kosova saar yekh sovranyuno thay biumlavdi rashtra.
Pe lungipe e eventesko potencirisalo o zoralipe e lekanipyengo ani diplomatikuni thay politikuni krang, vi ayekha ekonomikuni thay kulturuni mashkaro duy thana.
Ambasada dengya labi kay e Amerika aqhola mahatno aleati thay partneri vash e Kosovva, kontribuipa ano avansipe e stabilitetesko thay prosperitetesko ano rayoni.
Ano eventi lele kotor o diplomatikuno komuniteti, reprezentya e lokalune instituciengo thay mediengo vi biraipkane organiziciengo, reflektipa o khetano angashipe vash te avansinen ano sah umala.
Ano 249 biumlavde bershesko mafistipe lele kotor vi o Shaqir Totaj – Prizrenosko Sheruno kova ulagya poro naysipe vash o biaqhavdo kontributi e Amerikako vash e Kosovako kreiripe.
Desar olestar sine vi o PREBK-esko sheruno thay deputeti, Albert Kinoli e Sejnur Veshalea, Isak Skenderi sar direktori e BRO Voice of Roma, Ashkali and Egyptians thay but aver publikune thay penjarde figure.
