Obiliqeska komunake romane aktivistya thay intelektualya startime yekh laqhi praktika ano nav e dizutnenge thay institucionalune angashipyengo vash e legitimuni rodlarin vash penjaripe e romana qhibyake sar ofisialuni qhib ani Obiliqeski Komuna.

Inciatorya e akale avokipasko vash e romani qhib si o aktistya: Avni Mustafa, Avdyl Mustafa thay Driton Gashi, kote e rodlarin kerde sar Rafin vash Penjaripe e Romana Qhibyako ani Obiliqeski Komunaki, kote e rodlarin direktinde ko sheruno Halil Thaçi.

Mashkaro demografikune statistike ano Obiliq jivdinena 22 mile 815 manusha, mashkar akava gendo si 1,214 roma kova kerna 5.32 % e populaciako ani akaya Komuna.

“Pali Prizrenoski thay Graqanicaki Komune, siyem decizime thay motivime vash te phirava e avokipasko thay lobibasko procesi vash penjaripe e romana qhibyako – yekh qhib koya vakergyola shlbershencar  thay kay kustikisali kustik pali kustik ano akala thana. Akava bajako reprezentinla na saday direktno e qhibyake temelune hakaya, numay vi yekh dinyitetesko thay beraberipasko akti.”, hraminla o Avni Mustafa.

Desar akalestar o Obiliqeske Romane Intelektualya silen pakyavipe kay ka hraminen yekh historikuno akti vash o romano komuniteti ano Obiliqi.