Kosovaki Policia angel nesae dive sekuestringya 156 kilogramya komercialno eksplozivi ano drom Jagnjenices, ani Zubin Potokeski Komuna, ani yekh lokacia kote nikho na jivdinla.
Mashkaro ofisialuno informancie, o eksplozivi si kreirimo kotar e serbyuni kompania “Trayal Korporacia A.D.” kotar Krushevci.
Akala kompaniako generaluno direkti si o biznismesi Millosh Neneziq, kova si phando e Serbyuna Anglipaska Partia – SNS.
Na saday ano Zubin Potok nnumay e Kosovaki Policia arakhla thay sekuestringya bandukya, municia vi ano yekh mekhlo kher ano gav Tikno Rudari e Zvecaneska Komunaki.
Palo kontrolipe ano bi nikasko obyekti, policia arakhla thay sekuestringya: 9 vasteske granate, 538 fishekya thay 3 karikatorya vash automatikune banduka.
Ano than resle vi e grupacia vash tretiripe e sheyengo kola phayrola EOD, kola tretirnide o granate siguropa thay bizoincidentya. Sah akala akcie agorisale ano kordinipe e Rashtrake Prokurorea. Vash e bi baht pandar nikho nane arestisalo vash akala ilegalune banduka.
