Arsim Bajrami rodela politikuno uniteti vash alosaripe e Presidentesko thay pasharela piri kanditatura kote direktingyola sah e politikune partienge.
Universitaturuno Profesori, Arsim Bajrami iklilo yekhe publikune kharipa direktipa e sherune parlamentarune partienge liderenge, manginindo te kreirinol yekh politikuno uniteti, konsensualno vash alosaripe e Kosovake Presidenteske, e resea te nashalpe kotar o institucionalune krize thay anglovahtune alosaripya.
Mashkaro yekh postipe ano Facebook, eks-deputeti kotar e Kosovaki Demokrativuni Partia PDK, Arsim Bajrami mothavela kay si gatiserno vash te qhivel peste ani instituciengi, politikune spektreski thay thaneske dizutnengi dispozicia sar yekh konsensualno kandidati vash Kosovaka Republikako Presidenti.
