26 Oktombro 2018

DEKLARATA

Amen,  dizutne e Romane komunitetesko e Prizrenoska Komunake, daha phiko e iniciativake vash penjaripe e statusesko e Romana Qhibyako sar qhib ano ofisiyaluno vastipe ani Prizrenoski Komuna, ani baza e regulativako decisimi e Thamea upral Vastipe e Qhibyengo  (Gn. 02/L-37) sar ini Administrativuna regulativako Gn. 2011/02 VASH DEFINIPE E PROCEDURYENGO VASH INPLEMENTIPE E THAMESKO VASH VASTIPE E QHIBYENGO e Ministriako e Administratako e Lokalune Guvernipesko.

Mashkaripea akala deklaratako, thagaringyova kay duy bersh (yekh palo yekh), ani volenteruni forma si te pashara asistipe e Prizrenoska Komunake e resipea e realizipyengo e thameske obligipyengo kova iklola kotar o penjaripe e satusesko e Romana Qhibyako sar qhib ano ofisiyaluno vastipe ani Prizrenoski Komuna. E asistenca si te ovel inkluzivuni, numay na ka ovel limitimi.

1. Iranipe/translaciya e ofisiyalune dokumentyengo e Prirenoska Komunake, kolenge sikavgyola/dengyola ofisiyaluno rodlaripe vash pashipe/ascesi ani Romani Qhib.
2. Resurso e iranipesko/translaciya, ano suro e molesko/mangipesko, ano khedipe e Sherunesko e Prizrenoska Kupatnako e dizutnencar e Romane komunitetea e Prizrenoska Komunako,
3. Resurso e iranipesko/translaciya, ano suro e molesko/mangipesko, ano khedipe e Sherunesko e Prizrenoska Kupatnako/vay e Sherutneya e Prizrenoska Komunaluna Kupatnako e organizaciyencar e  internacionalune delegaciyencar thay/vay e Romane reprezentyencar.

Penjaripe e statusesko e Romana Qhibyako, sar qhib ano ofisiyaluno vastipe ani Prizrenoski Komuna, si te ovel yekh zoralo mesashi karshi e eleminipesko e ulavipesko mashkar o Prizrenoske komunitetya thay si te ashutinel ano pherdo integripe e Romane komunitetesko ano publikuno jivdipe thay istitucionaluno e Prizrenoska Komunako. Akava decisipe ano yekhuno vahti/periodi si te ovel misal ano internacionaluno niveli  kana si lafi vash garavipe, kultivipe thay promovipe e elementarune hakyengo e Romane komunitetesko.

Qhaqhipe,

O jene kola thovde o hrami pe lil e Deklaratake ;

1. Albert Kinolli 
2. Jollxhi Shala 
3. Daut Qylangji
4. Husni Qylangji 
5. Edis Galushi
6. Erxhan Galushi 
7. Bardyl Veshall 
8. Avdi Misini
9. Nexhip Menekshe
10. Osman Osmani