Aktualune Nevipya
Deputeti Kinoli laqharla e Terzimahalake Dudya
- 28/05/2025
- By Romano Avazo
Share
Mashkaro yekh postipe ano socialuni rafin x, Sheruno e Partiako PREBK thay vijautno e agorune alosaripyengo, thay deputeti ano Kosovako Sombeshipe, rayo Albert Kinoli, informingya e dizutnen vash lesko angazhipe kay kergya ano agorune dive vash te laqharel o dudyaripe ani may purani romani mahalla, Terzimahala, akhardi e Albanologeske anavea "Nysret Seharsoj".
E rodlarin ali kotar o dizutne, feriso angleder Hederlezi, ano bogazya thay upruno kotor e Mahalako, o dudya na thablona sine thay o dizutne shunenape sine rizikime vash akaleske vi e partiake somjene, pe sherunipe e r. Albert Kinolea lele inciativa vash te regulingyon o dudya. Desar akalestar, ov informingya kay akava angashipe si te kerel vi vash o aver mahale.
"O dudya ani romani mahala "Terzimahala" - Nysret Seharsoj, regulisale prekal o mangipe e romana partiako PREBK, konktrento kotar sheruno e partiako r.Albert Kinolli. Akana, ka phirava ano yaver mahale kola silen mangipe.", hramindoy o rayo Kinoli ani piri ofisialuni qham ani x rafin.
