Angle nesave dive Instituti vash e Romani Kultura – ERIAC, ulagya ano socialune platforme e Ratorigune Balkaneske may sukesune ternen, mashkar kolende si vi e Urma Menekshe – sar sikavni e romana qhibyaki, kreatora e romana bibliotekaki thay publicista.
Akala terne ano akava rayoni phagena o steriotipya, mothaveni pere historie thay transformminena e komunitete tromipa, kreativitetea thay angashuoa.
On si jurnalistya, poetya, aktivistya, publikune butikerutne, kreatorya, rodlarne thay kulturake inovatorya.
E lista sheruningyola kotar o Meti Kamberi – kotar o Nishi, Serbia, kova si hramarno e trin romanyengo thay poeziake koleksiengo, palo leste si e Jasmina Berisa kotar e Podgorica, Kalo Vesh, angluno romani jurnalista juvli ani sheruni Media e Kale Vesheski. Napal si o Rufat Demirov kotar o Uskupi, kova jivdinela ani Viena, kandidati vash doktorata thay kreatori e Youtube e dekolonialipaska prespektiva.
O shtarto than akharela e Ina Majko, kotar Delvina thay Tirana, Albania – koya si Taliministra vash o Sastipe thay Socialuno Garavipe ani Albania.
Thay o panjto si e Urma Menekshe – Prizren, Kosova – sikavne e romana qhibyaki, fokusimipe ano garavipe e qhibyako.
O shovto than akharela o Almir Agiç (Ilijas) – poeti kova sfidinela o anglokrisipya mashkaro pere lila.
Vash e Urmake thay averenge ulavdile vi lenge storie kota shay arakhena:
Ani aver rig, Gynesh Veshall – aktora, jurnalista thay aktivista, erati ano 12.to augusti ano Mashkarselikano Ternengo Dive, penjardili kotar e qham UNFPA Kosova vash te argumentinel kay o siklovipe si may zoralo banduk mamuy o anglokrisipe. Sakova qhay meruinla e shansa vash te alosarel korkori poro avutnipe.
Vi vash olako sukses storie situmen o linki:
https://www.facebook.com/unfpakosovo/videos/1212852563977571
