E drama: “Tara morkyatar nashti te iklove” – 2004

Sinopsisi e dramako: “Tara morkyatar nashti te iklove”

E aktuelna situacia koya dikhlarla e drama, anela yekh baro interesipe ko artistya thay ko sah romano komuniteti e Prizrenoska dizako. O resipe e dramako sito te mothavgyol e kultura thay e tradiciya, o shukar thay o bi shukarne adetya e romenge kola jivdinena ano Prizren. Ani drama mothavgyola e situacia, kana sine o maripe thay palo maripe ani Kosova. Ani drama dikhlargyola sar adikerdepe o roma ano vahti akale trine leparne periodende, mothavipea olengi bi baht, olengi dar thay olengo qhelalo tretiripe e na romendar thay korkore e romendar. O sheruno roli, o doktoresko roli thay e Haji Hamzasko, kote on sar may uqe manusha, siton ano kote on sar may uqe manusha, siton ano sakova khelipe vash te den phiko e romenge ano sasave jivdipaske situacie.

Resipe e dramako “Tara morkyatar nashti te iklove”

E drama “Tara morkyatar nashti te iklove” e autorestar Nejip Menekshe, angluno ver ajukerla te ovelola ini yekh profesionaluno rejisori. Odova sito o rayo Luan Daka. Ini pe 2004 bersheste, o romano teatro, e peremiera akala dramako ajukergyola te mothavgol vash o manifestipe e Interanacionalune Romane Divesko, 8-to aprilesko, ano Prizrenosko Kulturako Kher “Jemayli Berisha”. Akalea o romano teatro resla pe yekh may uqo niveli, yekh resipe sakole amaterune teatrosko, kote shay vakaraha, o romano teatro akanatar te ovel kvashoprofesionaluno teatraluno trupo, so sito yekh uqipe yekhe teatroske, kolea abersh festinaha 10 to premiera pe poro 15-to bersh pere biyame divesko.

O Rolya:
Romani familia Ashkaliuni familia
O Flito----------Bayram Galushi O Gazmeni---Suleyman Elshani
E Sheribana----Mikribana Mulamisini E Bukuriya---Bedriye Misini
O haji Hamza--Jelal Dogani O Mahiri------Avdi Misini
E Nazlia -------Hayriye Veshal
O koyshiye
O Muhamedi----Edis Galush O Ramo---------Nejip Menekshe
O Barduli--------Daut Qulanji O Paskali-------Jengiz Cana
E Nejmiya-------Mahire Veshal O Durimshi-----Arif Cana
O Fadili----------Arton Cana O Yashari-------Aslan Qulanji
O Demiri---------Savert Qulanji O Berkani-------Fatmir Menekshe
Organziativuno stafi:
Skenografia: Bayram Galushi Maku-up: Mikribana Mulamisini
Muz. Eefektya: Joni Zihelshmit Dekori&Dudya: Hadi Hoda&Erhan Galush
Kostimografia: Bedriye Misini Suflerya: Avdi Misini&Edis Galush