Emergenciaki Menajipeski Agencia informinla e dizutnen vash o qhelalipe e situaciako e yagengo ano Kosovako teritori vash o sepebi e uqhe temperaturengo thay e zorale balvalengo.
Saday ano 24 orya registrisale 66 surya e yagengo, kolendar 57 saday palo mesmeri.
8 aktivune vine e yagenge si pandar problematikune ano Komune Pekya, Lipyani, Shtimya, Malisheva, Skenderay, Istogi, Ferizai thay Gilana.
O yagaqhavutnenge ekipe reaguinena sah pere kapacitetyencar ano khetane butikeripe e Kosovaka Policia thay lokalune autoritetyencar saday vash te adikeren e situacia ani Kontrola.
E Agencia kerla apeli e dizutnenge kay ma te tharen yaga ano puterde ambientya, te raportinen yekhatar sakoya yag yase tentative e yagaki ano gendya 112 – emergencia, 193 yagaqhavutnen thay 192 e policia.
Te denoncinen sakole bipakyale manushe kay kerla masus yase kotar o na dikhat.
“Risko kotar o yaga si baro, ayekha kay ajukergyola vigilencia thay maksimaluno khetano butikeripe e dizutnencar.
