Ano akala lokalune alosaripya hakay vash o votuipe silen 1.885 448 personya, jikay si te putergyon 883 votuipaske thana.
Ani Centraluni Alosaripaski Komisia – KQZ si certifikime 89 politukune subyektya, kolendar 32 si politikune partie, 1 koalicia thay 33 dizutnenge inciative thay 23 bi-umblavde kandidatya.
O gendo e certifikime kandidatengo ano 17 oktombroske lokalune alosaripya si 5 mile 364 kandidatya, kolendar 166 kandiadtya si vash o komunako sherunipe kolendar 12 si Juvla, thay 5 mile 198 kandidatya vash komunako guvernipe.
KQZ informingya sah e dizutne kola silen hakay vash votuipe kola si o mase kay musay te respektingyon.
Vash te votuinen manglape te oveltumen garavipaski maska koya uqharla tumaro muy thay nak;
Kana ajukerena ano rendo vash te khuven te votuinen ano votuipaske centre, adikereni 2 metrengi fizikuni distanca;
Dezinfektineni tumare vasta pandar bi khuvde ano votuipasko than;
Palo dezinfektipe e vastengo, ikaleni tumaro identifikipasko lil thay cideni tumari maska vash te identifikingyoven kotar o participant e votuipaske thanesko;
Palo identifikipe, palem qhiveni e maska;
Palo akava, tumen manglape te len tumaro votuipaske lila thay te khuven ani tumari votuipaski kabina vash te votuinen, pe agor qhiveni o votuipaske lila ano kutie;
Pe iklipe e votupaske thanestar tumen palem manglape te dezinfektinen tumare vasta.
