Europaka Uniaki komisionera vash o Buhlipe, Marta Kos, na ka realizen laki yekhto vizita ani Kosova ano akava kurko. Vizita koya sine phandi e informipa vash o cidipe e masengo vash e Kosova.

Laki vizita dikhlardili te ovel ano mashkar e akale kurkesko. Akana e Kosova si yekhuno than kay lela kotor ano lako portofoli kay aqhili pandar bi vizitimi ini soske akava posti adikerla e 2024.to bersheske decembarestar. Ano nakhlo bersh nashti ali vash e institucionaluni kriza, palo decembareske alosaripya angloinformingya kay ka avel kana ka formiringyon o institucie numay palem siyem ano politikuno kaosi.

Mashkari Europaki Komisia koya konfirmingya akava nevipe vash o Telegrafi, phenena kay e Kos mashkaro yekh telefonyuno vakeripe e sherunoministrea Albin Kurti, phengya kay ka truminel poro dromipe kova sine planifikimo ani Kosova vash o sepebi e agorune politikune ovipyengo.

“Shernoministri Kurti ulagya poro angashipe vash o direktuno drom vash BE thay o reforme kola phangyona e Evropake Yekhipa, specifiqno ano rami e Kosovake Bayaripaske Planesko. E Komisionera sila res te kerel vizita ani Prishtina so may sig kay shay.”, phengyola ano lengo respondipe.

Evropake ofiserya avelolen qhelale vash o agorutne politikune ovipya ani Kosova thay na mange te prononcingyon may buderi feriso ajukerena e Konstituciaka Kriselinaki agorutni decizia.