Yekh zorali yag pandar na aqhola thay iklisti avri kontrolata ano Kreta e Grckaki, keripa te evakuingyon 1,500 dizutne thay turisya avri lerapetrake zonatar.

O yaga ule kotar o zorale balvala, kola risikime vi o khera, hotelya thay kritikuni infrastruktura, inkludipa vi yekh karburanteski vira, jikay o autoritetya kerena intensivuni buti vash te kontrolinen e situacia ano yekh 6 kilometrengo fronti.

Vi ayekha o drom Agia Fotia phandilo vash e rizikosko sebepi thay bilaqhe vazdukesko.

Nesave phure hospitalizisale palo problemya e duholeipa thay sah o hospitalya ani Kreta siton ano gatiseripe sar preventivuni masa.

Ani Spania yekh yag thay o bare temperature ano Evropake rashtre lele 6 jenengo guho, jikay sah o kontinenti keragyola/pershingyola e temperaturencar kola nakhavena 40 gradya celciusya.

Duy fermerya Cosco e Kataloniako ani Spania blokirisale kotar o yaga thay mule.

Ani Italia du mursha mule feriso nasvalile ani plazha e Sardanyako thay yekh 80 bershuno mursh mulo ilostar.

Jikay e Francaki ministra vash e Ekologikuni Tranzicia, Agnes Pannier – Runacher, mothagya kay duy viktime registrisale vi ani Franca thay 300 personayna siton ano urgentyuno dikhat.