Rubin, sar atestori kova garavgya e exsherunen e UCK-eske, mashkaro poro atestipe deklaringya kay o Hashim Thaci sinele politikuni rola thay na komandipaski pederal o UCK.

“Thaqi respondinla sine e komandantyenge – e na o komandantya eske”, deklaringya o Rubin.

Mashkaro lesko atestipe ov deklaringya kay niyekh ver nane lelo informacie kay o UCK inkludisale ano marevaske krimya thay te sine kay ka ovlay sine, e Amerika ka cidelay sine poro phikoipe.

Serbyuni armata agoringya 95 % pe shel e masakrengo – te kere beraberipe e albanyencar sitov lajavo, phengya o Rubin.

Jikay ov sine ani Haga, Rubin dendoy yekh intervista vi para ex-romnyake, e jurnalista Christiane Amanpour.