Fatlum Kryeziu – koordinatori e Roma Versitasesko Kosova, erati lela kotor ano Lublinesko Forumi 2025 ani Polonia.

Fatlumi dengya po kontributi ano paneli “Etnikune thay Nacionalune Minoritetya ano Balkani” kote khetane e ekspertyencar thay aktivistyencar diskutisale o sfide thay e rola e minoritetyengi ano rayoni, inkludipa vi e romane komunitete, vi ayekha o mahatnipe e inkludipasko, khetane jivdipeske thay demokrativune moldipyengo.