Mashkaro yekh informipe ano Facebook, Maqedonci hramingya kay e Garavipaski Ministria kergya o prokuripe e Bizo Piloteske Uqaripaske sheyenge sar si o “Puma” kotar e Amerika koya realizisali mashkaro programi rashtra pi rashtra penjardo sar Foreign Military Sale (FMS). Jikay o pokipe vvash akava sistemmi realizisalo ano bersh 2021.
“Uqaripaske sheya Puma ani komparacia e aver uqaripaske sheyendar si yekh aver manglo kapaciteti vash bayaripe e amare FSK-esko jandipyengo ano havayake sistemya bizo piloti. Khetanobutikeripe e Amerika ano garavipaski umal sako dive bayrola thay buhlola biaqhavdo kontribuipa ano amara armatako avansipe thay bayaripe e amare khetanyune interesyengo”, hraminla o Maqedonci.
