Kosovake Publikune Sastipesko Nacionaluno Instituti informingya kay palo agorune brishina iklona piyibaske payneske problemya ano nesave thana, sar: Prishtinako rayoni, payneski fabrika ano Shkabaj thay Bivolak nane funksionalune, jikay o sistemya ano Badovci thay Batlava funskioninena shukar.
Ano Prizrenosko rayoni, phengya kay o pani kotar o 40 bunarya vastingyola saday vash sanitarune mangipya thay nanetov vash piyibe, jikay o aver resursya Cvilen thay Soz si shuzho.
Suharekako thay Malishevako pani nashti piyelape, jikay ano Dragashi e situacia si shukar.
Ani Gilana vakergyola kay o pani si shukar, numay ano gav Berivojce e Kamenicako dikhisale nitratya thay na rekomandingyola te piyelpe. Ani Vitia, Pekya, Decani, Jarina ani Klina o furnizipe qhindilo. Ano Ferizayi thay Jakova o pani si shukar, saday ano nesave lokalune resursya ani Jakova na manglape te vastinelpe o pani. Vi ayekha ini ani Mitrovica o pani nane vash konsumipe.
IHSHKP rekomandilela kay o payna kotar o bigaravde bunarya te keraven angleder te vastinen thay te vastinen saday sigurne resursya thay te shunen o oficialune informacie kotar lengere komune.
